రిలయన్స్ ఇండస్ట్రీస్ (ఆర్‌ఐఎల్) ఆన్‌లైన్ లోదుస్తుల సంస్థ జివామేను  సొంతం చేసుకుంది. యాక్టోసెర్బా యాక్టివ్ హోల్‌సేల్‌లో మైనారిటీ వాటాను కొనుగోలు చేసినట్లు  రిలయన్స్‌ నవంబర్ 30న నాటి ఎక్స్ఛేంజ్ ఫైలింగ్‌లో ధృవీకరించింది. ఈ లావాదేవీ 2020 సెప్టెంబర్ 30 తో ముగిసిన మొదటి అర్ధ సంవత్సరంలో ముగిసిందని వెల్లడించింది. ముకేశ్‌ అంబానీ నేతృత్వంలోని అనుబంధ కంపెనీ రిలయన్స్‌ బ్రాండ్స్‌ యాక్టోసెర్బా యాక్టివ్ హోల్‌సేల్‌ను అసోసియేట్ కంపెనీగా పేర్కొంది.  దీంతో ఆర్‌ఐఎల్ 38 సంస్థలను అసోసియేట్ కంపెనీలను తన ఖాతాలో వేసుకుంది. మార్కెట్ రెగ్యులేటరీ సెబీ ప్రకారం, ఈ కంపెనీలో 15 శాతం వాటాను కొనుగోలు చేసింది. 2011లో  స్థాపితమైన బెంగళూరుకు చెందిన యాక్టోసెర్బా యాక్టివ్ హోల్‌సేల్, జివామే అని కూడా పిలుస్తారు. ఇది మహిళల కోసం ఆన్‌లైన్ లోదుస్తుల స్టోర్‌నునిర్వహిస్తుంది. స్టార్టప్ యాక్టివ్‌వేర్, స్లీప్‌వేర్,  షేప్‌వేర్ వంటి ఇతర విభాగాలలోకి ప్రవేశించింది. జివామే వెబ్‌సైట్ ప్రకారం, ఇది 30-ప్లస్ రిటైల్ దుకాణాలను కలిగి, దేశవ్యాప్తంగా 800 కి పైగా భాగస్వామి దుకాణాలనుకలిగిఉంది. అంతకుముందు ఆర్థిక సంవత్సరంలో రూ .32 కోట్లతో పోలిస్తే 2019 మార్చి నాటికి కంపెనీ రూ .19.5 కోట్ల నికర నష్టాన్ని నమోదు చేయగా, రూ .140 కోట్ల ఆదాయాన్ని నమోదు చేసింది.